Լեհաստանում բացակայող դեմք են փոխպատվաստել

Լեհաստանում բժիշկները փրկել են 33-ամյա մեռնող հիվանդին` դիմային հյուսվածքների փոխպատվաստման առաջին վիրահատությունը կատարելով:

Պրոֆեսոր Ադամ Մաչեևսկու ղեկավարությամբ, վիրաբույժների խումբը արտադրական վթարի հետևանքով տուժած 33-ամյա տղամարդու դեմքի ամբողջական փոխպատվաստում են կատարել:

2013-ի ապրիլի կեսին քարհատ սարքով աշխատանքի ժամանակ  Գրզեգորզը վնասվածք էր ստացել. դեմքը լրիվ խեղվել էր: Ինչի հետևանքով նա, փաստորեն մնացել էր առանց դեմքի ու հայտնվել մահվան եզրին: Միակ փրկությունը դեմքի ամբողջական փոխպատվաստումն էր, սակայն վիրաբուժական նման միջամտություն առաջներում չէր կատարվել խիստ կարճ ժամկետում:

Մենք ստիպված էինք դոնոր գտնել շատ սեղմ ժամկետում, այլ ընտրություն չկար: Բարեբախտաբար դոնոր արագ գտնվեց: Մահացած 30-ամյա տղամարդու ընտանիքը համաձայնեց բժիշկներին տալ նրա դիմային հյուսվածքը:”Մենք վերակառուցեցինք տուժածի դեմքը` կոպերից մինչև կզակ ու քիմք: Վիրահատությունը տևեց  27 ժամ: Սա աշխարհում նման վիրահատությունների իմաստով ամենաարագն էր”,պատմել է պրոֆեսորը:

Իսկ լրագրողները հավելել են, որ   երկու տարբեր դոնորներից տուժածին են փոխպատվաստել նաև սիրտ ու լյարդ:

“Սա Լեհաստանում դեմքի փոխպատվաստման առաջին վիրահատությունն է: Դա պատմական փաստ է ոչ միայն մեր երկրի բժիշկների համար, այլև ողջ աշխարհի, քանի որ առաջին անգամ է որ կատարվում է շտապ  փոխպատվաստում”,ասել է  ուռուցքաբանության կենտրոնի մամլո քարտուղարը:

Հիվանդանոցի բժիշկների  տեղեկացմամբ, հիվանդի վիճակը կայուն է: Հիմա Գրզեգորզը դեղորայք է ընդունում, ինչը նրան կօգնի վերականգնվելուն:

Հարցեր, պատասխաններ, մեկնաբանություններ